Madaxweyne Farmaajo oo walaac ka muujiyay hawl-wadeeno uu xirey horjooge Siciid Deni

Waxa usbuucii hore magaalada Boosaaso lagu xirey hawl-wadeeno ka tirsan guddiga dhismaha wadada Boosaaso oo uu xirey horjoogaha Puntland Siciid Deni. Madaxweynaha oo si gaara guddigaan u khuseyso ayaa kala Hadley horjooge Siciid Deni.

Madaxweynaha oo walaac ka muujiyay odayaashaas la xirey ayaa Siciid Deni u sheegay in la ilaaliyo in dawladda dhexe ee Soomaaliya u taagan tahay ilaalinta mabaadii’da aasaasiga u ah dowladnimada iyo xoojinta nidaamka Federaalka ah oo Puntand tiraa waa la hareer maray iyo wadatashi, wadajir iyo qarannimo dhammeystiran.

Madaxweynaha ayaa hoosta ka xarriiqay in Xukuumadda Federaalka Soomaaliya ay si siman dalka u gaarsiinayso dhammaan mashaariicda horumarineed oo lagu jaangoynayo qorsheyaasha heer Qaran iyo heer Dawlad Goboleed ee horumarinta iyo baahinta adeegyada aasaasiga ah.

Dabcan adeegyadaa uu sheegay madaxweynaha ayaa ku eg gobolada Nugaal iyo Bari ee aan soo gaarin Sool, Sanaag, Togdheer iyo Awdal.

Madaxweyne Maxamed Cabdullaahi Farmaajo ayaa horjooge Siciid Deni u sheegay in odayadaa si shuruud la’ana lagu sii daayo. Guddigan ayaa xaqijinaya in lacagtu ui baxdo sidii loogu talogalay halka Horjooge Siciid Deni dalbadey in bangi gaara loo soo mariyo.

Lacagta wadadaas ayaa dhamayd 150,000 oo doolar.

C/llaahi Warmooge

ARAABINEWS

Share on Facebook

Tweet

Follow us

Save