Muran u dhexeeya gudoonka barlamaanka iyo xildhibaano Hawiye ah oo raba in Muqdisho la raaciyo maamul cusub oo la dhisayo: QORAALO

Waxaa hore u soo baxay warar sheegaya in Gobolka Banaadir lagu darayo gobolada Sh/Dhexe iyo Hiiraan ayna noqon doonaan hal maamul goboleed, arrintan oo madaxweyne Xasan Sheekh kala hadlay guddi ka tirsan xildhibaanada baarlamaanka ee degaanadaasi ka soo jeeda, waxay jawaab celin kulul uga timid dhinacyo kala duwan oo ay ugu horeeyaan guddoonka Baarlamaanka.

Guddoomiyaha Baarlamaanka iyo labadiisa ku xigeen waxay horaantii bishan soo saareen qoraal ay u direen madaxtooyada iyo xukuumadda waxayna ku caddeeyeen go’aan nuxurkiisu yahay inaan caasimadda lagu dari karin maamul goboleed kale inta sharci gaara ka soo saarayo Baarlamaanka.

Hoos ka akhri qoraalka Guddoonka Baarlamaanka.

warqad jawaari

Arrintan waxay dhalisay is weydiin badan oo ku saabsan awoodda guddoonka Baarlamaanka ku hadlayaan iyo sida ay amar u soo saari karaan kaasoo aan ka soo bixin baarlamaankii ay guddoominayeen oo fasax ku jira. Waxaa kaloo arrintan durba ku dhex jira waxa loogu yeero Beesha caalamka oo dacwado kala duwan loo qoray kuna saabsan xaaladda Gobolka Banaadir.

Hoos ka akhri qoraalka xildhibaan Cosoble oo Hawiye ah

warqada cosoble

Marka qoraalka C/qaadir Cosoble la eego waxaa soo shaac baxaya heerka ay gaarsiisan tahay khilaafka ka jira fasirka Dastuurka qabyada ah iyo baaxadda ay leedahay kala duwanaanshaha rabitaanka gudoonka iyo xildhibaanada, waxayna soo jeedineysaa baahida loo qabo:

In la dhameystiro dastuurka qabyada ah
In la helo maxkamadda dastuuriga ah ee fasiri lahayd qodobadda dastuurka
In la qeexo qaabka federaalka gobolada dalka iyo xeer loo helo caasimadda

Inta arrimahaas oo dhan la laâ€™ yahay wuxuu federaalka lagu muransan yahay noqon doonaa mashruuc dhibaatadiisa aan laga bixi doonin. Waxaana inta waqtiga dowladda hadda jirta ka harsan ku dhammaan doonaa is jiidjiid aan macne lahayn oo hadda maraya Golihii Baarlamaanka.

C/llaahi Warmooge

ARAABINEWS