Caasha Ilyaas oo ahayd gabadha ilaa hadda qoyskeedu sugayo inay cadaalad ka helaan maamulka Puntland sadex bilood kadib markii jirkeeda la jarjaray la kufsadayna ayaa qoyskeedu go’aansaday inay isaga guuraan Puntland.
Hooyada dhashay Caasha oo dhowaan warbaahinta la hadashay ayaa sheegtay in ay caddaalad-darro ka tirsanayso mamulka Puntland iyadoo tilmaantay in la xeeladeeyay dulmigii loo geystay gabadheeda.
Maamulka ayaa ilaa hadda ku fashilmey inuu cadaalada horkeeno dadkii sida foosha xun ula dhaqmey gabadhaas yar ee ahayd inay ilaaliyaan amnigeeda.
Hadalka ay ku dalbatey in cadaalada la horkeeno gacan ku dhiigleyaasha ayaa ka xanaajay maamulka waxana markaasi kadib loo soo direy teleefano loogu hanjabayo in la dili doono.
Qoyska Caasho oo sida la sheegay doonayey in ay Sabtidii ka guuraan magaalada Gaalkacyo ayaa mudda saddex maalmood ah halkaasi ku xayirnaa kadib markii ay waayeen waxay gaari ku kiraystaan.
Hase yeeshee gelinkii dambe ee shalay ayay u suurta gashay in ay naftooda kala cararaan Gaalkacyo waxaana ay u qaxeen dhanka dawlad degaanka Soomaali galbeed sida ay xaqiijiyeen xaafado deriska ah.
Waa fadeexad in maamul qaadi waayo amniga dadka ku dhex nool. Kiiska Caasha ayaa ooda ka qaaday fashilka maamul goboleedyada.
C/llaahi Warmooge
ARAABINEWS