Sidee gacanta loogu dhigey argagixis wahaabiya oo qarax ku xirnaa degmada Guriceel

Waxay ahayd maanta barqadii markii argagixis ka tirsan kooxda gaalaynta Muslimiinta ee wahaabiyada shabaab uu isku dayay inuu isku qarxiyo xaflad lagu maamuusayay dagaal hore Ahlu sunna uga guulaysatey wahaabiyada oo ka dhacay gobolka sanado hore.

Dagaalkaas oo aad loogu hoobtey ayaa ahlu sunna ka dishey Wahaabiyada kooxda gaalaynta ee Sucuudigu taageero ilaa 150 ka mida, wuxuuna ahaa dagaalkii ugu qaraaraa ee diimeed ee dhexmara labada urur.

Wasiirka Amniga ee maamulka Galmudug Saadaq Sheekh Yuusuf Ibraahim ayaa sheegay in ninkaasi xilliga la qabanayay uu dalbaday in khudbad gabay ah uu ka jeediyo musaasabada hayeeshee Ciidamada ay ka shakiyeen.

Waxa uu sheegay in hadalkaasi kadib mid ka mid ah askarta aadka u feejigan uu baaritaano ku sameeyay, laguna helay waxyaabaha qarxa sidaasina lagu qabtay loogana furfuray qarixii ku xirnaa.

Mar Wasiirka wax laga weydiiyey halka dhiigmiiradka Wahaabiga ka yimi ayuu sheegay in uu ka yimid dhinaca Koonfurta Soomaaliya, balse haatan degmada Guriceel uu kasoo galay dhinaca degmada Ceelbuur oo ah degmo faaruqa oo ay joogaan argagixisada.

Haddii dhiigmiiradkaas dhexgeli lahaa ummada waxa halkaas ka dhalan lahaa khasaare aadu balaadhan. Ahlu sunna waxay ka mid tahay ururada ay gaaleeyeen Wahaabiyada Sucuudigu taageero ee maalgeliyo.

Dadka badankiisa ayaa qaba in hore laga dilo dhiigmiiradka Wahaabiga ah.

C/llaahi Warmooge

ARAABINEWS