Sidee loo xaliyay murankii xajka ee u dhexeeyay Sucuudiga iyo dawlada Somaliya. Xajka ayaa doorkan muran galay waxana la sheegay in murankaasi galaaftey wasiirkii diinta oo markii horeba labo jago isku haystey.
Waxa jirey laba arimood oo ku saabsanaa dhaqaalaha xajka lagu tagayo iyo diyaaradaha qaadaya. Waxana la sheegayaa in intaba laga gaaray heshiis hordhaca laakiin aan saxaafada loo soo bandhigin.
Masuulyiin ka socda wasaarada diinta ayaa Sucuudiga u tagey sidey arintaan u xalin lahaayeen. Diyaaradaha bilaa tayada ah ee Somalida u qaaadaya xajka ayaa laysla gartey inay noqdaan ilaa afar diyaaradood.
Waxa kale oo la sheegay in Sucuudigu ku biirey diyaaradaha qaadi doona xujaajta Somaliyeed ayadoo diyaaradaha afarta ah ay xujaajta ka soo qaadi doonaan Somaliya keeni doonaana Jabuuti ityo Nayroobi si diyaarada Sucuudiga halkaas uga qaado.
Waxa dhinaca kale laysla meel dhigey ama laysku soo dhawaaday in xajigii/xaajiyadiiba laga qaado 3500 oo doolarka Maraykanka ah.
Somalida joogta Somaliya guud ahaan ayaa rafaad ku taga xajka ayagoo raaca diyaarado tayadoodu aad u xun tahay. Xujaajta guud ee ka imaanaya Somaliya ayaa kor u dhaafsan 9000 oo xujaaj.
C/llaahi Warmooge
ARAABINEWS