Sirdoonka Ingiriiska iyo Maraykanka oo jabsaday shirkad moobilada u samaysa aalada Sim-ka

Holland–Sirdoonka Maraykanka iyo Ingiriiska oo hore loo sheegay in ay dhegeystaan teleefanada aduunka, akhristaan iimaylada dadku isku diraan, eegaan siraha ku jira baraha bulshada ee gaarka layskugu diro ayaa hadda jabsaday shirkada moobilada u samaysa aalada uu ku shaqeeyo ee Sim-ka.

Sirdoonadan casriga ah ayaa kadiib sameeyay in ay bedelaan furaha Sim-ka sidaasna macluumaadkii qofka iyo shirkada uu kaga jiro u weeciyay xarumahooda halkaasna ka dhegeysta akhbaarada codka ah ee laysku diro iyo fariimaha kale ee hadalka.

Habka khatarta ah ayaa waxa qarxiyay ninka loo yaqaan Snowden oo isaga aduunku u haysto nin qarxiyay siro badan oo aan hore loo ogaan.

Shirkada samaysa Sim-ka oo xarunteedu Holland laguna magacaabo Gemalto ayaa iyadu sheegtay in ay baadhayso arintan halista ku ah shaqada ay u hayso shirkadaha teleefanada.

Shirkadan ayaa macaamiisheedu yihiin shirkadaha teleefanada waaweyn ee AT&T iyo Verison oo Maraykana, T-mobile oo Jarmala iyo shirkada Sprint oo iyaduna Maraykana.

Macaamiisha shirkadahaa ayaa gaaraya ilaa 100 milyan oo qof hadayna ka badnayn waana arin ay ka cadhoodeen.

Rashiid Ceelaanyo

ARAABINEWS