Sixiroole la sheegay in uu sarifle ka dhacay lixdan kun oo doolar magaalada Hargeysa iyo sida diinteenu qabto

Nin Sarifle ah ayaa sheegay in uu dhacan yahay sida uu sheegayna lasga dhacay lacag gaaraysa lixdan kun oo doolar. Lacagta Hargeysa taala ee sarifleyaasha ayaa u badan lacag buga oo la samaysto laguna bedesho lacagta adag ee doolarka waxase la iswaydiinayaa lacagta intaa leeg sida loo dhacay.

Nin lagu magacaabo Ismaaciil Ibraahim Nuur (Khuuriye) oo ka mid ah Sariflayaasha waaweyn ee Suuqa badhtamaha Hargeysa ayaa sheegtay in dhibku ku dhacday.

Ninka dhaca geystay ayaa goob-joogayaal iyo Sariflayaal ay jaar yihiin ninka la dhacay ay sheegeen inuu Saddex Maalmood ka hor lacag boqol Doollar ah ka Sariftay lacagta laga dhacay, ka dibna uu lacagtii Kaashka ahayd ee loo Sarifay u dhiibtay Ismaaciil Khuuriye, hasa-yeeshee markii uu ku soo noqday uu qaatay bacdii ay ku jirtay Lacagta $ 60,000 Kun ee Doollar ahi.

Hase-yeeshee Ismaaciil Khuuriye oo aan dhaadin in lacagi ka maqan tahay uu iska rawaxay maaddaama uu wakhtigu ku dhawaa Gabal-dhac, sida ay goob-joogayaashu sheegeen.

Balse waxa la tilmaamay in Ismaaciil markii uu ku dhawaa gurigiisa uu sidii isagoo oo hurda ka soo toosay soo hambabaray, isla markaana dib ugu soo noqday halkii uu meheraddiisa Sarifku ahayd, inkasta oo aan lagu guuleysan in la helo qofkii geystay dhaca intaas leeg.

Ciidammada Booliska ee magaalada Hargeysa oo Saddexdii maalmood ee u dambeeyay waday baadhitaan arintan la xidhiidha, ayaan illaa hadda iyaguna ku guuleysan inay soo qabtaan ama gacanta ku dhigaan ninkaas Sixirka ku qaatay ama ku dhacay lacagta lixdanka (60,000) Kun ee Doollarka Maraykanka ah.

Dhanka kale, Falkan Sixirka ah ee lagu dhacay ninkaas waxa Khudbaddii Jimcaha ee daraad ku soo hadal qaaday Imaamka Masaajidka Cali Mataan ee magaalada Hargeysa Sheekh Maxamed Aadan Muxumed.

Sheekhu waxa uu ka digay khatarta Sixiroolayaashu u leeyihiin Dadka, isagoo ku taliyey in Xukuumadda oo adeegsanaysa Ciidammada Ammaanku wax ka qabato Sixiroolayaasha Bulshada dhibaatayna. Sheekh Maxamed Aadan, waxa uu sheegay in Diinta Islaamku baneynayso in la dilo qofka Sixirka ku shaqeysta.

Maxamed Yuusuf

ARAABINEWS