Socdaalkii madaxweyne Farmaajo ee Sucuudiga iyo wixii ka soo baxay: FAALO

Madaxweynaha Somaliya Farmaajo ayaa booqashadiisii koowaad ku tagey Sucuudiga halkaas oo markii uu soo noqdey uu ka waramay waxyaabaha ay isla soo qaadeen madaxda Sucuudiga.

Madaxweyne Farmaajo ayaa sheegay in codsi uu Sucuudiga u gudbiyay ay ka mid ahayd madaar cusub oo Muqdisho loo sameeyo maadaama kii hore yaryahay muddo horena la dhisay.

Xoolaha Somaliya oo cunaqabataynta laga qaado, wadooyinka isku xidha dalka oo dib loo dhiso oo loo qaatey kuwii hore u dhisnaa in boodhka laga jafo iyo miisaaniyada dawlada oo la kabo.

Markaan isku celceliyay xisaabta waxaan filayaa in Sucuudigu intaas in ka badan uu bixin karo iyadoo uu dagaal ku jiro una baahan yahay xulufo joogta ah oo isku halayn karo.

Madaxweyne Farmaajo ma sheegin waxa Sucuudigu dalbadeen caawintaas kadib iyadoo dadka badankiisu ka filayaan in ay codsadaan in madaarka iyo dekedda Berbera loo fudeydiyo, Somaliyana dhinaca ciidanka ka caawiso maadaama dagaal u gooniya uu kula jiro Yaman.

Wax lacaga lama sheegin waxaadse ku qiyaasi kartaa lacag aan ka yarayn dhowr boqol oo milyan oo doolar oo runtii Somaliya u qalmin kuna tahay dawarsi.

Haday dhab ka tahay Sucuudiga wuxuu kabi karaa dhaqaalaha Somaliya muddo hal sano ah haddii si fiican loo maamulo. Waxase looga fadhiyaa madaxweyne Farmaajo in uu sii faahfaahiyo lacagta loo sheegay intey tahay iyo in ay jirto iskaashi ku aadan dagaalka Sucuudigu ku jiro.

Mashaariicdaas waxay abuurayaan shaqooyin aan sidaa u badnayn oo gaaraya ilaa 1000 qof maadaama hal mashruuc kaliya uu yahay mid kow laga soo bilaabayo.

Rashiid Ceelaanyo

ARAABINEWS