Somaliya ayaan habayaraatee wax faaiido ah ku qabin qaramada midoobey, waana meesha wadamada danaha ka leh dalka ay kolba ku sii kordhiyaan cunaqabataynta si dalku u sii ahaado xaalada is dhiib ee uu hadda ku jiro ciidan ahaan.
”Waxa maalmahan jirey warbixino ay qoreen dad jaahiliina oo aan la socon sida qaramada midoobey u shaqayso oo qorey in dalku lumiyay codeynta kadib markii uu bixin waayay deyntii lagu lahaa ayuu yiri Cali Calasow.
Waxay ahayd bishii Oktoobar ee sanadkii hore markii dalal ay ku jirto Somaliya loo qiilyeelay ilaa inta laga gaarayo sanadkan aakhirkiisa inay ku bixiyaan lacagta lagu leeyahay oo gaaraysa Hal milyan iyo dheeraad. ”Wax isbedelay ma jirto ayuu raaciyay Cali Calasow.
Yaa u baahan codka Somaliya
Inta badan waxa codadka soo doonta dalalka waaweyn sida Maraykanka ama Ruushka ama marka codka loo qaadayo arimaha maaliyada, qaxootiga, siyaasada iyo kuwa kale ee qaramada midoobey. Marka in Somaliya codkeedu maqnaado waxba kama dhimayso dalka.
Marka ilaa hadda ma jirto cod laga xanibay Somaliya iyo dalal kale oo ay ku jirto.
Rashiid Ceelaanyo
ARAABINEWS