Waxa maalintii sadexaad jeel ku yaal magaalada Boorama ku xiran sadex weriye oo ka tirsan warbaahinta gobolka Awdal. Waxa dhalinta warbaahinta oo hadlay sheegeen inay u xiran yihiin duqa degmada Saleebaan Xasan Xaddi (Caseeye).
”Inkastoo tayada warbaahinta gobolku tahay mid aad u liidata waxase ka liidata cadaalada magaalada taala oo sheegata magaaladii aqoonta ayuu yiri Xuseen Warsame.
”Markaan tagney goobta ay ku xiran yihiin afarta weriye waxa naloo sheegay in lagu haysto war been abuura oo ay ka baahiyeen duqa degmada, waxana laga dalbadey iany raali gelin bixiyaan waase diideen afarta weriye ayuu yiri Ibrahim Suxufi oo u hadlay warbaahinta.
”Waxa taas ka sii daran eedayntii tii hore waa laga soo tagey haddana waxa naloo sheegay in lagu haysto qoraal aan iyagu lahayn oo lagu qorey barta faysbuugooda ay ku leeyihiin ayuu raaciyay.
Dad qabyaaladu dilootey oo haba yaraatee ayna jirin qadiyad lagu dagaalamo ayaa weriyeyaasha dalkuna ku dhexmilan yihiin ayuu raaciyay Xuseen Warsame. Waxana kuu muuqanaysa in tayadii weriyenimo maqan tahay tii xil-hayuhuna maqan tahay, waxase ugu sii daran tii cadaalada oo aan jirinba.
Maxamed Yuusuf
ARAABINEWS