Taariikh nololeedkii Xuseen Ceelaabe Faahiye oo ku shahiidey isqarxintii argagixisada

Waxa manta is-qarxinttii dhiigmiiratada kooxda gaalaynta Muslimiinta ku shahiidey Xuseen Ceelaabe Faahiye oo ahaa xildhibaan soona qabtey jagooyin ad u farabadan ilaa xilligii dawladii sharafta lahayd ee qaranka Somaliyeed. Xuseen ayaa shahiidey markii faliidh ka mida qaraxaas uu ku dhacay inkastoo lala tacaalay haddana uu dhiig baxay.

Tan iyo xiliggii dawladdii qaranka Somaliyeed ee Allaha u naxariistee uu hogaaminaayay Siyaad Barre waxaa uu ku caan ahaa wasaaradda qorsheynta, wasiir ayuu marar badan ka noqday iyo sidoo kale la-taliye.

Burburkii kadib waxaa uu madax ka ahaa guddiga loo saaray arrimaha dastuurka, xilligaas waxaa dalka joogay ciidamo ka socday Qaramada midoobey.

Shirkii Carte ee dib u heshiisiinta iyo dhismihii maamulkii Cabdiqaasim Salaad Xasan waxaa uu xukuumaddii Xasan Abshir ka noqday wasiirka iskaashiga caalamiga ah.

Shirkii Mbagathi ee Kiiniya kadib waxaa uu ahaa xildhibaan, waxaa kale uu wasiirka agoonta iyo naafada ka soo noqday xukuumaddii Cali Geedi, isla xukuumaddii Geedi markii ay dib u soo noqotay waxaa uu mar kale ka noqday wasiirka qorsheynta.

Xukuumaddii ra’isul wasaare Nuur Cadde waxaa uu ka ahaa wasiirka dalxiiska, warshadaha iyo ganacsiga.

Ugu dambeyntii waxaa uu 2009-kii xukuumaddii ra’isul wasaare Cumar Cabdirashiid ka noqday wasiirka dib u dhiska kadibna
2017-kii waxaa uu u tartamay kursiga aqalka sare laakiin waa looga adkaadey.

Xusen Ceelaabe ayaa ahaa ruug cadaa siyaasada ku soo jirey muddo ka badan 40 sanno. Wuxuuna soo noqdey wasiirkii arimaha dibedda.

C/llaahi Warmooge

ARAABINEWS