Tahriibayaal Soomaali ku jirto oo markale Jabuuti soo badbaadisay

Ciidamada Ilaalada Xeebaha dalka Jabuuti ayaa ku guuleystay inay soo badbaadiyaan 120 naftood haligeliyaala oo ay Soomaali ku jiraan, Xilli ay Ciidamadu ku jireen howlahooda Shaqo.

Nafood haligeyaasha la soo badbaadiyey ayaa u kala dhashey dalalka Somaliya, Itoobiya iyo Eriteriya isla markaana xilliga la soo badbaadinayay ay marayeen xeebaha Godoriya ee gobolka Obokh ee Waqooyi dalka Jabuuti.

Xeebaha deegaanka Godoriya ee dalka jabuuti ayaa waxaa horay ugu geeriyooday 52 of taas oo aheyd dhimashadii ugu badneyd oo naftood haligeyaala soo gaarta.

Dhacdadaas ayaa dhacdey markii markii 2 doon oo yar-yar ay ku gadoomeen meel aan xeebta ka fogeyn laakiin ayna jirin awood lagu badbaadiyo.

Sidoo kale Ciidamada Ilaalada Xeebaha dalka Jabuuti ayaa waxaa ay gacanta ku dhigeen laba naaquude oo u dhashay dalka Yaman, kuwaas oo saraakiisha Ciidamada ay sheegeen in cadalaada la marsiin doono, ilaa haddana sugaya in abaalkood la mariyo. Jabuuti ayaa hadda waxa ka curtey roobka gu’ga.

Maxamed Yuusuf

ARAABINEWS

Share on Facebook

Tweet

Follow us

Save