Waa ayo wasiirka cusub ee arimaha dibedda Somaliya Dr C/salaan Xaaji Hadliye

Waxa xalay lagu dhawaaqay golaha wasiirada xukuumada Somaliya waxana loo qaybiyay afar afar wasiir nidaamka jira ee lagu go,ay ee loo yaqaan 4.5 kaas hadaba waa ayo wasiirka cusub ee arimaha dibeda Dr C/salaam Xaaji Hadliye Cumar.

Intiina sida fiican ula socota siyaasada murugsan ee Somaliya oo dhan wuxuu sanad kahor muddo lix bilood ah hayay bangiga dhexe ee Somaliya halkaas oo kadib lagu eedeeyay inuu lunsaday lacago badan oo Somalidu leedahay inkastoo taasi markii dambe been noqotey.

C/salaam wuxuu ka soo jeeda gobolka Awdal oo aad moodo in hadda booskaa looga maarmi waayay sababo la garan waayay.

C/salaam wuxuu leeyahay taariikh shaqsiyeed oo aad u xoogan wuxuu tacliin ka gaaray darajada ugu saraysa wuxuuna ka shaqeeyay wadamada ugu horumarsan aduunyada,,marka xagaas wuxuu noqonayaa ninka ugu mutacalimsan wasiirada la magacaabay.

Booska wasiirada Somaliya ayaa intooda badan ah kuwa shaqsiyana inkastoo ay ku magacaaban yihiin in uu jufo ka soo jeedo,,C/salaam heerka uu ka gaaray waxbarasho lafahiisa mooyee lama soo sheegin in uu wax u qabtey deegaanka uu ka soo jeedo.

Taas oo dad badan ka dhigeysa in ay tabaan wasiirkii isaga ka horeeyay ee booska ku waayay is jiid jiidka qaar ka mida xubnaha barlamaanka ee daacada u ah xisbiga Xasan Sheekh.

Waxaan warbixintan ku soo koobayaa wasiirka cusub ee reer Awdal ma noqonayaa wasiir wax looga aayo mise waa yaad ii taqaanaan ma idinkaa I magacaabay.

Maxamed Yuusuf

ARAABINEWS Nagala soo xiriir araabimedia@gmail.com

Share on Facebook

Tweet

Follow us

Save