War hadda soo dhacay ayaa sheegaya in madaxweynaha Turkiga uu codsaday in uu la kulmo madaxweynaha Ruushka si loo xaliyo diyaarada Turkigu soo ridey oo ay hadda sheegeen in ayna ogeyn in diyaarada ay lahaayeen Ruushku. Warkan ayaa ka soo baxay afhayeen u hadlay aqalka looga taliyo Rushka ee loo yaqaan Kremlin.
Afhayeenka ayaa sheegay in shirka cimilada ee ka dhacaya caasimada Faransiiska sodonka bishan an ku jirno uu noqon doono halka ay gees ahaan kaga kulmi doonaan labada madaxweyne.
Turkiga ayaa u muuqda in uu qirtey qaladkiisa iyadoo Ruushku diidey in uu talaabo milatari ka qaado Turkiga laakiin uu go’aansaday in uu qaado mid ganacsi oo Turkiga dhaawacaya.
Turkiga ayaa ku socdey in uu lumiyo awood ka jirta aduunka oo ay saaxiib dhaba yihiin iyadoo gaashaanbuurta Nato ee Turkigu ku jiro ay uga baxeen kuna sheegeen dhacdada diyaarada mid u gaara Turkiga iyo Ruushka kuna amreen Turkiga in uu xaliyo isagu.
Ruushka ayaa saaxiib weyn la ahaa Turkiga waligiina ka fileyn in Turkigu qaado talaabo noocana waana ta uu madaxweynaha Ruushku ku tilmaamey midi gadaal lagaaga taagey”.
Reer galbeedka ayaa neceb xisbiga uu hogaamiye Erdogan waxayna sugayaan fursad ay ku takooraan waana tan ku kaliftey Erdogan in aanu lumin awooda Ruushka oo aan colaad u hayn dalka Turkiga. Labada dal ayaa leh xiriir qoto dheer.
Rashiid Ceelaanyo
ARAABINEWS.COM