Muqdisho 07 Jan 2015–Wasaarada macdanta iyo batroolka ee dawlada Somaliya ayaa sheegtay in safiirka Shiinaha kaliya kala hadleen sidii shirkada ARC oo macdan ka qodata buuraha Siimoodi meesha looga joojin lahaa.
Dawlada Somaliya ayaa beenisey warar ay Somalidu qortey oo sheegaya inay dawlada Shiinaha ka codsadeen inay ka caawiyaan soo saarista shidaalka iyo macdanaha kale.
Shirkada ayaa qoratay shaqaale waxayna buuraha iyo deegaanka ku aaseen sun ay ku dhinteen xoolihii dadkuna ka qaadeen neef qabatow.
Warsaxaafadeed ka soo baxay wasaarada ayaa lagu sheegay in falka shirkadani keenay xasilooni daro aan lagu aqoon gobolka sidaas awgeedna loo sheegay in ay joojiso.
“Dawladda Soomaaliya waxay walwal ka muujnaysaa, sida horeba u dhacday, in shirkadaha sharci darrada ahi ay qaarkood ku hawlyihihiin inay sun ku aasaan badda iyo barriga Soomaaliya. Si looga fogaado xasarado iyo colaado ka dhaca gobolkaas, wasaaradda Macdanta iyo Batroolka waxay ka dalbanaysa ARC inay si degdeg ah u joojiso macdan baarista sharci darrada ah ee ay wado taas oo dhalisay xasarad siyaasadeed & nabadgelyo oo ka aloosantay deegaankaas oo muddo dheer ahaa meel nabdoon”ayaa lagu yiri War saxaafadeedka.
Sidoo kale waxaa loogu baaqay dowladda Shiinaya in shirkadaha dalkeeda laga leeyahay in aysan ka qeyb qaadan sii hurinta colaadaha sokeeye ee Soomaaliya, sida lagu yiri war saxaafadeedka.
“Waxaan uga digeynaa dhamaan shirkadaha caalamiga ah ee macdanta iyo shidaalka baara inay galaan heshiisyo sharci darro ah, oo heerkoodu ka hooseeyo habdhaqanka caalamiga oo ay isku dayayaan inay kula soo baxaan khayraadka Soomaaliya, kuna qaataan si rakhiis ah oo aan waafaqsanayn sharciyada dalka iyo xeerarka caalamiga ah ee khuseeya macdan iyo shidaalka. Dawlada Federaalka ah ee Soomaaliya masuul kama aha wixii dhibaato ama khasaare ah oo soo gaaro shirkadaha sida sharci darrada ah kusoo gala dalka”ayaa war saxaafadeedka ka soo baxay Wasaaradda Macdanta iyo Batroolka lagu yiri.
Shirkadan ayaa ku xadgududbtey sharciyada aduunka iyadoo sumaysay deegaanka iyadoo adeegsanaysa dhalin bilaa shaqo ah oo shilimaad ku tuurto uguna bedesho deegaan sun ah.
C/llaahi Warmooge, MUQDISHO
ARAABINEWS