Boqorka Sucuudiga iyo dadka la socda ayaa fasax u joogi doona xeebta loo yaqaan French Riviyera ee ku taal magaalada NICE ee dalkaasi Faransiiska halkaas oo ay ku yaalaan huteelo iyo meelaha laysku duugo iyo raaxoo oo dhan ayaa loo baneeyay boqorka Sucuudiga ee lagu sheego in uu yahay ilaaliyaha labada Xaram. Dadkii deegaanka ayaa arji ay qorteen oo ay ku saxiixan yihiin dad gaaraya ilaa boqolkun waxay kaga cawdeen in ayna mari Karin xeebtoodii iyo dalkoodii.
Haweenay ayaa tiri way fiican tahay in la ilaaliyo laakiin waa in uuna sharciga ka sarayn xataa hadduu malaayiin doolar haysto.
Boqorka Sucuudiga oo dagaal iyaga urur diimeedkooda Salafiga u gaara kula jira shacabka Yaman ee fiqiirka ah ayaa la filayaa in ay malaayiin doolaar ku bixiyaan inta ay joogaan xeebtan.
Boqor Salmaan ayaa xeebta looga dhisayaa wiish ka qaada huteelka uu degan yahay taas oo gaynaysa xeebta..dadka ayaa ka cabaaday wiishkaasi inkastoo uu balanqaaday in uu dib u furo marka fasaxu u dhamaado. Sawirka hoose fiiri.
Boqor Salmaan ayaa waxa la socda kun qof oo ah qoyska balaadhan ee reer Sucuud oo haweenka lagu dhex gumeysto,,waxayna soo raaceen laba diyaaradood oo ah kuwa rakaabka loogu talogalay. Lacagta ay isticmaalayaan ayaa ah tii saliida oo xisaab la’aan ay isticmaalaan.
Maayerka magaalada ayaa warqad u qorey madaxweynaha Faransiiska waxase muuqata in aan cidi dheg jalaq u siinayn iyadoo degmada uu ku soo degay boqorku ay noqon doonto degmo ku taajirta labada usbuuc ee boqorku joogo,,taasina xilligan ka weyn tahay xoriyada iyo sharci kala dambeynta iyo isqiimeynta ay sheegtaan Faransiisku.
Rashiid Ceelaanyo
ARAABINEWS.COM nagala soo xiriir araabimedia@gmail.com