Haweenay Somali ah oo ku dhow in ay noqoto xildhibaankii ugu horeeyay ee fadhiista barlamaanka Ingiriiska

Bradford–Haweenay Somali ah ayaa ku dhow in ay noqoto xildhibaankii ugu horeeyay ee Somai ah ee fadhiista barlamaanka Ingiriiska taariikhda Somalida ee Ingiriiska ku nooleyd. Kulan ay isugu yimaadeen xisbiga shaqaalaha (Labour) ee Somalida Ingiriisku intooda badan taageerto ayaa u xushey haweenay Somali ah oo lagu magacaabo Amina Cali in ay la tartanto ninka aadka loo jecelyahay fikradihiisa una dagaalama xuquuqda Muslimiiinta Falastiin ee Joorje Gallaway.

Xisbiga ayaa lumiyay kursiga ku yaala magaalada muslimka Bakistaanta ahi ku badan tahay ee Bradfiord kuwaas oo u codeeyay xisbi uu aasaasay Joorje Gallaway 2004 oo la yiraa Xushmee (Respect).

Aamina Cali ayaa haday ku guulaysato noqonaysa haweenaydii ugu horeysay ee Somali ah ee xildhibaan ka noqota dalka Ingiriska.

Aamina Cali ayaa hadda ah xubin ka tirsan golaha deegaanka ee xaafada Muslimka Bangladeshku ku badan yihiin ee Tower Hamlets ee bariga London.

Joorje Gallaway ayaa ka jawaabay doorashada Aamina Cali loo doortey in ay la tartanto kuna tilmaamay in iyagu yihiin xisbiga shaqaalaha ee dhabta ah.

Doorashada xildhibaanada Ingiriiska ayaa dhacaysa bisha May 15 keeda halkaas oo xildhibaanada dalka oo dhan dib loo dooran doono oo uu ku jiro raiisal wasaare cusub.

ARAABINEWS nagala soo xiriir araabimedia@gmail.com

Share on Facebook

Tweet

Follow us

Save