Xoogaga Siiriya ee xoreynaya Raqqa oo hakiyay dagaalka kadib argagixisada oo biyo xidheen muhiima ku dhuumanaya lagana baqay in uu biyaha sii daayo halkaana ku dilo dad gaaraya ilaa 4 milyan oo qof oo wabiga Yufaraat ag degan.
Maanta ayay ahayd markii argagixisada xalaashatey dhiiga muslimiinta laga xoreeyay madaarka diyaaradaha cirka ee Raqqa ku yaalay oo argagixisadu ku xasuuqdey askar gaaraysa ilaa 100 oo isku dhiibey sanadii 2014.
Xasuuqa askartaas oo dhamaantood la gowracay ayaa argagixisadu soo dhigtey baraha bulshada. Weerarka la hakiyay ayaa imanaya iyadoo argagixisadu dabada gelisay biyo xidheenkan weyn rasaasna ka soo rideysa.
Argagixisada ayaa kala jeclayn haddii biyo xidheenku furmo iyo inkale. Biyo xidheenkan ayaa waraabiya korontana siiya kumanaan reer Siiriya ah oo dawlad la’aani iyo silic ku haysto dhulka dhiigmiiradku ka taliyo.
Xoogaga Kurdiyiinta iyo qabiilada Carabta oo taageero dhinaca cirka ah ka helaya Maraykanka ayaa faro kulul ku haya argagixisada kana xoreeyay dhul badan dadkana ay ku soo noqotey noloshii.
Hoos ka fiirso askar fiirsanaya biyo xidheenka weyn iyo saldhigii milatari ee argagixisadu ku xasuuqdey askarta Siiriya
Rashiid Ceelaanyo
ARAABINEWS