Danjire Cawil, oo isagoo Hargeysa jooga u waramay saxaafada wuxuu sheegay inuu soo dhawaynayo xilka loo magacaabay oo uu tilmaamay inuu u leeyahay khibrad iyo waayo aragnimo, waxaanu xusay in ictiraaf raadinta iyo ka midho dhalinta wada hadalada Somaliland iyo Somaliya tahay waajib saaran qof kasta oo reer Somaliland ah,
“Marka hore waan soo dhawaynayaa magacaabista uu madaxweynuhu I magacaabay, waxaanan u arkaa kalsooni oo waxaan ahay nin kaalin ka qaadan kara wada hadalada iyo ictiraaf raadintaba, marka la eego xidhiidhkaan la leeyahay dalalka jaarka iyo dunida kaleba.
Markaas waan soo dhawaynayaa, waxaanan madaxweynaha la kulmayaa maalmaha soo socda oo aan kala hadlayaa sidii hawsha loo bilaabi lahaa, waanu ku mahadsanyahay madaxweynuhu.”
Danjire Cawil, wuxuu sheegay in hawsha loo magacaabay tahay qadiyad uu weligiiba jeclaa, isagoo da’ yarna uu u sameeyay inqilaab,
Marka siyaasadda laga hadlayana madaxweynuhu ma eego kala duwanaanshaha aragtida siyaasadeed ee wuxuu eegaa in qofkaas uu ku tuhmayo khibrad iyo aqoon oo uu qaranka wax u qaban karo.
Markaas marxaladaasi waa kuwo laga soo gudbay oo taariikhda galay, danta guud ayaana loo shaqaynayaa. Marka labaad, aniga iyo madaxweyne Siilaanyo khilaafkaas KULMIYE iyo UDUB ee dhawrka sannadood ahaa, waxa ka horeysay soddon sannadood oo aanu ahayn saaxiibo, cid walbana iskaga dhawayn.”
Maxamed Yuusuf
ARAABINEWS