Banaanbax rabshado wata oo ka dhacay Garoowe iyo ujeedada: SAWIRO

Banaanbax rabshado wata ayaa ka dhacay Garoowe. Dadka ayaa aad u soo baxay ayadoo gobolka ay galeen lacago beena oo doolar lagu bedessho maadaama aanay jirin dawlad dhexe.

Magaalada Garoowe ee xarunta Gobolka Nugaal Puntland ayaa maanta waxaa ka dhacay banaanbax ka dhan ah sicir bararka, kororka qiimaha lacagta dollarka iyo diidmada ganacsatada ee lacagta shillinka Soomaaliga.

Dibad baxaan ayaa waxaa ka qaybgalay boqolaal shacab ah oo isugu yimid ugu dambayn barxadda weyn ee Garoowe, iyagoona ganacsatada iyo Madaxda Puntland ugu baaqay in wax laga qabto baahidooda iyo dhibaatada haysata dadka danyarta ah.

Ciidanka ammaanka ayaa il gaar ah ku hayey dhaq dhaqaaqyada mudaharaadka, waxaana sidoo kale ka qaybgalay dad reer guuraa ah oo sicir bararku saameeyay.

Qaar ka mid ah banana baxyaasha oo Warbaahinta la hadlay ayaa waxa ay ugu baaqen Ganacsatada iyo madaxda Puntland ay wax ka qabtaan kororka qiimaha lacagta dollarka iyo diidmada ganacsatada ee lacagta shillinka Soomaaliga.

C/llaahi Warmooge

ARAABINEWS

Share on Facebook

Tweet

Follow us

Save