Dadkii reer Woqooyigu ma waxay noqdeen dad xoolahooda lagu dalxiiso oo Maraykan iyo Ingiriis lagu tago: FAALADA USBUUCA

USA–Waxa daraad u baxay Maraykan madaxweyne ku xigeenka Siilaanyo C/raxmaan Saylici oo halka masaakiintu koobka shaaha ayna haysan isagu qaata 7000 oo doolar mishahar ahaan oo ay u dheertahay lacago kale oo aan xisaab lahayn..Waxa iyaguna Ingiriiska dalxiis u tagey koox wasiiro ah oo beesha dhexe ah oo been isugu sheegay gole deegaan ayaana ictiraafaya.

Waxaanse iswaydiiyay dadka reer Woqooyigu ma sidan ayaa loo bahdilaa oo xoolahooda maalinkasta loogu aadaa dalxiis iyo dhulbarasho. Socdaalada noocana waxa ka faaiideysta xubno farabadan oo gooni goosad ah oo iska dhiiba dalalkaas hadana sheegta in ay Koofurta Somaliya ka yimaadeen.

Lacagahan lagu dalxiisayo qaarna iska dhiibayaan dalalka ay booqdeen ayaa waxa u dheer iyagoo jaaliyadahaa laga been sheegayo ay iyagu ugu soo daraan lacago kale oo ay doorasho ku galaan taas oo ka dhigeysa in jaaliyadaha laftoodu dhiirigelinayaan in lagu soo noqdo.

Waxa taas kaaga sii daran inagoo wali qabiil ahaan daacad ugu ah midkeena soo dhoofa oo aan u kala horbadino. Taas waxa u sii dheer in marka ay soo noqdaan iyagoo soo nastay soona dalxiisey hadana aan cadceeda u taagnaano si aan u soo dhaweyno.

Dalxiiskaas iyo lacagahaas lagu soo raaxaystay waxa ka masuula inaga oo u ogolaanay inay bilaa xisaab cunaan lacagta laga gurey hooyada yaanyada la fadhida ama miskiinka kaariyoonaha riixaya.

Maxamed Yuusuf

ARAABINEWS