Dawlada Somaliya oo faahfaahisay waxa ka soo baxay shirkii Jabuuti

Wasiirka arimaha dibedda oo ka hadlaayay shirkii ka dhacay Jabuuti ee halka maalin ahaa ayaa sheegay in laga codsaday in arinta Kiiniya iyo Somaliya lagu xaliyo urur goboleedka dhexdiisa, waana ta keentay in laga reebo war murtiyeedkii la soo saaray oo lagu keliya doorashada dalka.

”Waxaa nalaga codsaday inaan xiisada dejino laakiin waxaan taas ku xirney shuruud ah in guddi loo saaro farogelinta Kiiniya ku hayso arimaha gudaha siiba tan degdega ah ee jabhad ay ka soo ababuleyso xad beeneedka dhinaca Kiiniya ayuu yiri wasiirka arimaha dibedda.

Dabcan xogta oo dhan idinlama wadaagi doono laakiin inta hadda aan idiin sheegi karo ayaan idinla wadaagayaa ayuu raaciyay.

”Waxa muuqata in arintan loo dhameynayo hoos ahaan oo ay jiri doonaan guddiyo dhameeya cabashada ka imaanaysa Somaliya ayuu yiri Cali Calasow. Kiiniya ayaan welli ka hadlin dhinaceeda xiriirka go’ay ee iyaga iyo Somaliya,

”Xiriirka anaga Kiiniya oo jaara waxaan jecelahay inuu fiicnaado ayuu yiri wasiirka arimaha dibedda waana soo noqon doonaa waqtiga ku haboon ayuu raaciyay taas oo ka dhigin in hadda uun la gudda galay sidii loo dhameyn lahaa.

Kiiniya ayaa si toosa u qasaysa dalka, waxayan taageero weyn siisaa argagixisada, waxayna Kismaayo ka dhigatey meel lagu aruuriyo kuwo u taagan qaranimada dalka, waxayna rabtaa in siyaasad kasta qabiil loo rogo.

Si kastaba ha ahaatee waxa la sugaaba waa guddiyada iyo shirar doceedyo furmi doona oo ku aadan sidii loo dhamayn lahaa xiisada. Su’aasha ugu weyn ayaa ah wixii laga yeeli lahaa ciidanka Kiiniya.

C/llaahi Warhaye

ARAABINEWS