Meydka haweenay Soomaali ah ayaa laga helay jasiirada Lesbo ee dalkaasi Giriiga halka laba kalana la soo badbaadiyay kadib markii sida la sheegay ay ka dhaceen doon la buux dhaafiyay oo ka soo shiraacatey dalkaasi Turkiga. Soomaalidan ayaa la sheegay inay toos uga yimaadeen Somaliya kadibna rabeen inay naftii halignimo ku galaan Yurub.
Turkiga ayaa fasaxay qaxootiga jooga dalkooda kadib markii Yurub u qabatey oo diiday inay kordhiso caawimada la siiyo qaxootiga u badan Siiriyaanka ee ku sugan dalka oo gaaraya laba milyan iyo badh.
Sida ay sheegeen masuuliyiinta Giriiga oo warbaahinta u waramay doontan oo ay saarneeyeen dad gaaraya 24 qof oo dhamaantood ahaa Soomaali isugu jira rag iyo dumar ayaa sadex ka mida oo haweena ay doonta ka dhaceen.
”Baadhitaan qaatay dhowr saacadood waxaan ku guulaysanay inaan soo badbaabino laba ka mida haweenka halka mid ka mid ahna ay ku geeriyootay ayuu yiri masuul u hadlay Giriiga.
Dadka badankooda ee ka soo baxa Turkiga ayaa soo raaca doomo aad u liita, waxana intaas dheer in la buux dhaafiyo ayuu yiri masuulku. Jasiirada dadku soo gaareen ayaa u jirta xeebta Turkiga masaafo aan ka badneyn dhowr kiiloomitir.
Horaantii bishan ayaa sidan oo kale laba haweena oo Soomaali ah ay ugu geeriyoodeen markii doontii ay saarnaayeen ay degtay.
Giriiga ayaa dadka tahriibaya sheegeen inuu garaaco naftood haligeyaasha halka doomaha qaarkoodna uu daawado ilaa ay degayaan.
Rasiid Ceelaanyo
ARAABINEWS