Jabuuti oo daad la tagay dad masaakiina

Wararka ka imaanaya Jabuuti ayaa xaqiijay in roobab mahiigaana oo halkaasi ka da’ay ay la tageen shan qof oo markii dambe meydkooda la helay sadex ka mida.

Halka laba dumara oo daadku la tagey welli la raadinayso. Madaxweynaha Jabuuti oo fadhiid ah ayaa ku fashilmey inuu wax ka qabto dhibaatada haysata dadka reer Jabuuti.

“Wuxuu keliya xooga saara inuu ka aargoosto dadka qaba fikirada saliimka ah ee faaiido u keeni lahaa dadka reer Jabuuti ayuu yiri Xuseen Warsame. Dadka Jabuuti waxa u dheer daadadka ayadoo ayna jirin adeegyada muhiimka u ah nolosha ayna u dheer tahay inuu ilaha dhaqaalaha u dhiibtey reerkiisa.

Xaafada ay daadadku la tageen dadka ayaa la yiraa Belbela, waxana jira qasaare kale oo hantiyeed marka laga reebo dhimashada dadka. Wasiir u hadley Jabuuti ayaa sheegay inay ka xun yihiin.

Maaha markii ugu horeysay ee Jabuuti ay dad ugu dhintaan daadad qaaday inkastoo Turkigu u dhisay biyo-xidheen magaalada ka celiya daadka xoogiisa dhinaca kalana looga faaiideysto waraabka.

Maxamed Yuusuf

ARAABINEWS

Share on Facebook

Tweet

Follow us

Save