Madaxweynaha Turkiga Erdogan oo isaga laftiisu taageero ururkiisa Akhwaan muslimiin ee ka dagaalanta Siiriya laguna jabiyay dagaalkii XALAB ayaa hadda ogaadey in Maraykanku taageero kooxda Sucuudigu maalgeliyo ee Daacish.
Argagixisada ugu xun aduunka ee Daacish ayaa taageero iyo mabda ahaan ay isku mid yihiin urur diimeedka Sucuudiga ee Salafi. Hubka ugu khatarsan ee hadda haystaan waxa toos u siiya Maraykanka.
Daacish ayaa Maraykanku kolba noocuu doono u adeegsadaa markuu arko in ay danahiisa fuliyaan sida Yuhuuda oo kale qaasatan arinta Siiriya. Madaxweynaha Turkiga ayaa hadda ku eedeeyay Maraykanka in ay taageeraan Daacish.
Ciidamada Turkiga ayaa looga diley 16 askari dagaal ay ku hoobteen oo ay argagixisada la galeen magaalada Al-Bab ee Woqooyi Bari Siiriya. Ciidanka Turkiga ayaa lagu dhameeyay hub Daacish uu Maraykanku siiyay.
Afar bilood kahor ayay ahayd markii Maraykanku weeraray ciidanka Siiriya oo dabargoynaya argagixisada Daacish.
Maaha markii ugu horeysay ee Maraykanku hub siiyo argagixisada Daacish. Ujeedada Maraykanka iyo Yuhuuda ayaa ah in Siiriya khadka laga saaro iyadoo la isticmaalayo sheekada Salafiyiinta Sucuudiga iyo Daacish ee ah Sunni iyo Shiico waxase ku fahmey Kurdiyiinta iyo Carabta reer Siiriya.
Erdogan ayaa sheegay in uu hayo cadaymo cad sida sawiro, muuqaalo iyo cadaymo kale.
Maraykanka ayaa dhicaciisa beeniyay in ay argagixisada Daacish taageeraan.
Rashiid Ceelaanyo
ARAABINEWS